出埃及記
以前讀出埃及記成日都好唔明白點解以色列人過咗紅海、出咗埃及，明明唔駛再做奴隸，係曠野已經可以自由，都仲要掛住以前做奴隸嘅生活呢？
今日我終於係香港人嘅身上明白呢個道理，因為奴隸嘅經驗使我哋對生命嘅可能喪失咗想像。
留低嘅香港人會被出走咗香港人指責、離開嘅香港人又會為留低嘅香港人所不齒、回流嘅又會被耻笑、拎咗本外國護照就返香港重新發展嘅人又會被說三道四、決定喺外地落地生根但年年返香港探親又會俾人問候返嚟做乜⋯⋯
香港人，無論走邊條路都會有人走出嚟說三道四。香港人，對於生命嘅歷程實在係缺乏咗想像。
反正香港已不再是我哋嘅地頭，但願流散在內、在外嘅香港人，可以放低為奴心態，學習探索自己想過嘅生活，唔駛再俾人說三道四，更加可以慳返啖氣，好好過自己想過嘅生活，唔駛靠屌人為樂。